Дэпартамент гуманітарных навук і мастацтваў.
ЛЕТНІ ДЭМАКРАТЫЧНЫ ЛАГЕР ЕГУ
“Палітыка памяці і пагрозы дэмакратыі ў Цэнтральна-Усходняй Еўропе”
(1-10 верасня, Літва)
Еўрапейскі гуманітарны ўніверсітэт аб'яўляе набор слухачоў для ўдзелу ў Летнім дэмакратычным лагеры, які пройдзе з 1 па 10 верасня ў турыстычна-рэкрэацыйным комплексе ў Вісагінасе.
Для ўдзелу запрашаюцца студэнты Еўрапейскага гуманітарнага ўніверсітэта, а таксама беларускія студэнты, якія навучаюцца ў Літве і Польшчы (бакалаўрыят, магістратура, дактарантура).
Праграма лагера ўключае лекцыі і дыскусіі пра “бум памяці” ў рэгіёне Цэнтральна-Усходняй Еўропы, маніпуляванне гістарычнымі тэмамі ў палітычных мэтах, праблемы фармавання нацыянальных наратываў, пошукі прымірэння і вырашэння гістарычных канфліктаў.
Сярод выкладчыкаў лагера – сацыёлаг Аляксей Ластоўскі (Беларусь - Літва), палітолаг Андрэй Казакевіч (Беларусь – Літва), гісторык Юрый Латыш (Украіна) і інш.
Калі вы хочаце развіць крытычнае мысленне і лідэрскія якасці, а таксама атрымаць новы вопыт навучання з выкарыстаннем інавацыйных інтэрактыўных інструментаў, тады запоўніце форму: https://forms.gle/tFboFXFS3944AEDi7
Рабочыя мовы лагера - беларуская і руская; праграма і навучальныя матэрыялы распрацоўваюцца на беларускай і англійскай мовах.
Удзел у лагеры бясплатны. Выдаткі на пражыванне, харчаванне і праезд ад месца сустрэчы ў Вільні пакрываюцца арганізатарамі. Арганізатары не ажыццяўляюць візавай падтрымкі. Таксама можа быць кампенсаваны праезд да Вільні аўтобусам ці цягніком.
Апошні тэрмін падачы запоўненых анкет - 5 жніўня 2023 года.
Мы звяжамся з кандыдатамі, адабранымі для ўдзелу ў лагеры, пасля 10 жніўня. Па любых пытаннях, калі ласка, пішыце кіраўніку лагера Аляксею Ластоўскаму па адрасе belarus_ukraine@ehu.lt